SHILLONG: Chadamberangni ku·rang aro nikjumanganirangko ra·e chadamberangni kamrangko nambatatna gita Meghalaya @ 50 Youth Survey-ko a·bachengatani bak gita adita salrangna skang, Meghalaya Youth Engagement & Training program-rangko Meghalaya a·dokni pilak a·jarangon a·bachengataha.
Ia programa-ara, Education department-ni Directorate of School Education & Literacy (DSEL)-ni dakchakanichi Sports & Youth Affairs Department-ni a·bachengatgipa program ong·a aro ia program-ko Meghalaya a·dokni AVENUES dol jako ra·enga.
Aspire Meghalaya 2.0-ra Meghalaya Youth Engagement & Training Program-rangni ning·o chadamberangko tarisamsona a·bachengatgipa program ong·a aro ia program-ni skanggipa bakko a·bachengatani bak gita dingtang dingtang a·jarango orientation program-rangko apsan ong·atangaha.
Ia Aspire Meghalaya 2.0-ko adita salrangna skang, Meghalaya Democratic Alliance (MDA) sorkarini bilsibri gapaniko manijolani somoio a·dokni Chief Minister Conrad K Sangma a·bachengate on·angaha aro ia program-ko a·bachengate on·angani somoio ua jinmana aganprakangengon, mikkang bilsi 10-ni gisepo India a·songkoba a·songo nambatsranggipa dam 10 a·dokrangoni damsa ong·atna miksongengani gimin a·dokni ’10 in 10 vision’-o chadamberangkoba on·gilanirangko dakchina didiangaha.
Ia program-ko a·bachengate on·anganio bakko ra·anggipa gipin manderangara, a·dokni Sports & Youth Affairs Minister Banteidor Lyngdoh, Sports & Youth Affairs-ni Under Secretary Shivansh Awasthi, Sports & Youth Affairs-ni Commissioner & Secretary Vijay Kumar D, West Garo Hills a·jani Deputy Commissioner Ram Singh aro gipinrang ong·a.
Comments are closed.