TURA: ‘Pariksha Pe Charcha’-ni bak gita re·baenggipa April-ni 1 tarik pring 11:00 bajioni India a·songni Prime Minister Narendra Modi, Class 9-oni a·bachenge chubata gadangrango poraienggipa chatri chatrirang baksa Delhi-o donggipa Talkatoria Stadium-oni agangrikanggen ine South West Garo Hills a·jao donggipa Kendrikona (Mahendraganj)-ni Principal Naseem Ahmad u·iataha.
Ia program-ko DD National, DD News aro DD India baksana radio channel-rang aro dingtang dingtang social media-rangoba live nisona man·gen ineba ua u·iataha.
Indake ong·engon, da·o ong·na sienggipa CBSE porikkana tarisamsona man·na gita ia program-o bak ra·china gita JNV-o poraienggipa chatro cha-trirangko, skigiparangko aro ma·a paarangkoba Kendrikona JNV-ni Principal didiataha.
