Friday, March 29, 2024
spot_img

GHADC,  kror 137-ni Provisional Budget-ko pass ka·anga

Date:

Share post:

spot_img
spot_img

TURA: Salgnina ong·a-tanggipa Garo Hills Autonomous District Council (GHADC) budget session-ni bon·kamgipa salo, 2022 April 1 tarikoni 2022 July 31 tarikona gong 137,83,22,613-ni Provisional Budget-ko pass ka·angaha.
Ia chu·gimik budget-oni Civil Works department-na gong 61,93,79,061-ko cha-mahani gimin ian bang·-batgipa tangka chame on·ani ong·aha aro uni ja·man gong 28,80,00,000-ko Loans & Advances-na donatskaaha.
GHADC-ni gipin department-rangna tangka chamanio, Land & Revenue-na gong 5,09,52,843-ko, Forest-na gong 7,04,93,739-ko, Justice Administration-na gong 1,27,32,123-ko, General Administration-na gong 6,03,06,020-ko, Rural Development-na gong 3,88,85,758-ko, Council Transport-na gong 1,28,65,400-ko, Rural Administration-na gong 1,68,18,750-ko, Council Printing & Stationary-na gong 2,24,95,770-ko, Legislative-na gong 1,84,32,850-ko, Taxation-na gong 2,69,69,373-ko, Water Works-na gong 1,84,48,852-ko aro Tourism-na gong 9,84,28,800/-ko chame donangskaaha.
Tangka paisarangko chamanio komibate man·-gipa gipin department-rangara, Agriculture-na gong 79,31,075, Relief Works-na gong 63,46,848, Finance-na gong 62,70,585 aro Market-na gong 25,64,760 ong·skaaha.
Ia budget session-ni gnigipa aro bon·kamgipa salo, dingtangmancha GHADC-ni Deputy CEM Nikman Ch Marak-ni ra·bagipa motion, chong·-motan Garo Customary Law (GCL)-ko taridapani bi-dingo chanchirimang-engon, GCL-ko taridapanio pilak chatchirang, Nokma-rang, ma·giparang aro A·chik a·songo song-dongenggipa manderang-koba bak ong·atpana gita tik ka·angaha. Ia GCL-ko taridapani bidingo opposition MDC-rangba chakpaa-niko on·angengon, GCL-ko taridapanio mikkangchi maming neng·nikanirang dongjana gita somoiko ra·e tarichina NPP-chi dilenggipa Executive Committee-ko didiangaha.
GCL-ni bill-ko Governor-ona watdoatna skang bill-ko name poraie nipil-taina gita dingtangmancha committee-ko songchinaba GHADC-ni Opposition MDC-rang didiangaha.
Iana skang question hour-ko ong·atanio, ding-tang dingtang nang-chongmotgipa kamrangni bidingo opposition MDC-rang, Executive Committee-o sing·doanirangkoba dakangaha.

spot_img
spot_img

Related articles

K’taka college achieves 100 pc placement

SHILLONG, March 28: The Regional College of Management Bangalore has announced achieving 100 per cent placements for its...

Sister Rosario breathes her last in Tura

From Our Correspondent TURA, March 28: One of the founding members of the Nazareth Hospitals in the state, Sister...

VPP chief’s ‘slur’ on media draws flak from press club

By Our Reporter SHILLONG, March 28: The Shillong Press Club (SPC) has condemned the recent statement of VPP chief...

Dorbar threatens to boycott LS elections

By Our Reporter SHILLONG, March 28: The Dorbar Shnong of Mawlai Syllaikariah on Thursday threatened to boycott the upcoming...