Monday, February 10, 2025
spot_img

Rongjeng college-ni bidingo sorkarini ku·chakaniko man·ani ja·man jingjengataniko dontonga

Date:

Share post:

spot_img
spot_img

 

WILLIAMNAGAR: East Garo Hills a·jani ning·o donggipa Rongjeng Model College-ko rikanirang namja ine matnangenba, inquiry dakchina dabie Rongjeng jolo donggipa dingtang dingtang NGO-rang jingjengatanirangko dakengon, iani bidingo inquiry-ko ta·raken a·bachengatgnok ine district administration aro a·dok sorkarini ku·rachakahaniko man·ahani gimin NGO-rangni jingjengataniko dontongatchengpilaha.

Rongjeng Model College-ko Detailed Project Report (DPR) gita rikjaenga aro college-ko rikanirang namsrangjaenga ine matnangenba, Rongjeng jolni GSU, FKJGP, GSMC aro AYWO dolrang, ia college-ko rikani bidingo inquiry-ko a·bachengkujaengani gimin re·anggipa Mongolbar saloni a·bachenge Rongjeng C&RD Block office-ko kam ka·na on·gija jingjengatengachim.

Iani bidingo Mongolbar salo Rongjeng-ni BDO, jingjengatenggipa NGO-rangko gronge, inquiry-ko bakan a·bachengatgnok ine jingjengataniko dontongchina NGO-rangko didiangon, NGO-rangna see on·anichi ku·rachakaniko on·skachina dabiangtokahachim.

Indake ong·engon, Rongjeng Model College-ko rikani bidingo inquiry dakna sorkarini songe on·gipa technical committee, April 4 aro April 14 tarikni gisepon Rongjeng-ona re·bae kamrangko a·bachenggnok ine district administration-ni official-rang ku·rachakaniko on·angani ja·man NGO-rangni jingjengataniko dontongatpilaha ine u·iataha.

“Rongjeng Model College-ko rikani bidingo inquiry-ko dakna sienggipa technical committee bakan sokbae kamrangko a·bachenggnok ine chingna ku·rachakaniko on·ahani giminsa chinga jingjengataniko dontongchengenga indiba inquiry-ko dakanio kamrang ka·sinenga ine nikgenchimode chinga bilakbate jingjengatanirangko dakanggen,” ine GSU Rongjeng unit-ni president Rattu Sangma parakataha.

spot_img
spot_img

Related articles

Ed Sheeran’s street performance in Bengaluru halted by police

Global pop sensation Ed Sheeran is presently in Bengaluru as part of his ongoing +–=÷× Tour (Mathematics Tour)....

Junaid Khan, Khushi’s Loveyapa earns Rs 3 crore in 2 days

Loveyapa, starring Junaid Khan and Khushi Kapoor, has collected Rs 1.75 crore at the domestic box office on...

Kanye West defends Diddy, slams Hollywood for silence on his arrest

Rapper Kanye West is back in the headlines. After his controversial entry at the Grammys with his wife...