SHILLONG: Meghalayao Hindu-rangko minority ba chongipa jat ine chanchina gita All India Trinamool Congress (AITC) MP saksani, Rajya Sabhao dabigipani bidingo ra·galako man·gipa Congress Legislature Party (CLP) MLA, Ampareen Lyngdoh bilaken krengchakaha aro ian ra·chakna amgijagipa AITC-ni kam ong·a ine ua aganaha.
“Ian ra·chakna man·gijagipa AITC-ni kam ong·a. 2023 election-o campaign ka·anirango chinga jat ma·mal baseanirangko aro bak dakaniko nikna nangnikjaenga; maina indakgipa kamrang bon·chotaode jajaanirangko ra·bagen,” Ampareen aganaha.
AITC MP-ni kattarang, Meghalayao nanggrikaniko ra·bagen ine aganengon, iandakgipa kamrangkode donaina nanga, Lyngdoh aganaha. “Ian nangai nangjae ding·grikanirangko ra·bagen, jekon chinga da·o tom·tomani somoio ding·chaoataniko nangnikja,” Lyngdoh aganaha.
Jedakgipa kam kattarangko chanchianiona ra·baengon, songsalna ja·man ja·wilchi mai ong·gen ong·jagen uani gimin political party-rang chanchichengna nanga aro dilgiparang daito ra·e agangiparang ong·na nanga ineba ra·galako man·gipa CLP legislator aganaha.
Lyngdoh indakeba agandapkua je, “angni chanchiani gitade, daito ra·gija aganaiani ong·a, unigimin je political party-ba daito ra·gipa ong·na nanga. Indake ong·engon, kenchakaniona sokatani gnanggipa kattarangko aganna gita an·ching darang political-na cholko on·na nangja.”
Indake jat nanggrikaona sokatnagipa kamrangko wate, Meghalayao nangenggipa bang·a gipinrangni giminba AITC aganna man·genchim, Lyngdoha aganaha.
M’layao Hindurangko minority chanchina AITC-ni dabiako Ampareen jea
Date:
Share post:
