Tura: West Garo Hills Tura Dakopgre-o April 1 tariko CRPF- 120 BN, dingtang dingtang programme-rangko ong·ate 31-gipa raising day-ko maniangaha.
Headquater-o programme-ko ong·aton, dakgrike sianggipa sipairangko mande ra·aniko dakangaha. Una agreba Quarter Guard-o ‘Sainik Sammelan’-ko ong·ataha, jeon chief guest, sipairang baksa agangrikangaha. Una agreba Unit Hospital aro Tura Civil Hospital-ni volunteer-rang melie blood donation camp-ko ong·ataha.
Range Guwahati CRPF-ni Deputy Inspector General of Police, Anil Kumar programme-o chief guest ong·e bak ra·angaha.
Indake programme-o sipairangna aganprakaton, DIGP, ‘CRPF-ni kam ka·ani bewalko aro a·songna dangdike on·ani gimin aganprakangaha. Uandake be·en-bimangko tik ong·e rakkiani gimin, saa-ding·aoni naljoke dongna, gisikni sinjetaniko chel·e rakkiani aro cybercrime ba uandakgiparangni bidingo aganprakangaha.
Una skang March 31 tariko DIGP, antignina ong·atgipa ‘riot drill training-ni closing ceremony-o bak ra·aha. Jekon Commandant 120 Bn CRPF Pramod Kumar Singh-ni dilanio ong·atahachim.
Minggipin cultural programme-ko ong·ataon India-ni dingtang dingtang bakrango donggiparangni dakrikbewalrangko dakmesokangaha. Cultural program-n ja·man grand festive ‘Bada Khana’-ko ongataha.
