SHILLONG: Sombar saloni Mongolbar salona konta 24-ni gisepo Meghalaya a·dok gimiko mande sak 4 COVID-19 man·daptaiaha indiba ia konta 24-ni gisepo a·doko COVID man·e sigiparang dongskajaha.
Konta 24-ni gisepo COVID-19 man·dapgipa mande sak 4-ko channe da·o Meghalaya a·dok gimiko COVID-19 man·e dongenggiparang sak 15-ona komiangaha.
Konta 24-ni gisepo COVID man·gipa mande sak 4-oni sak 2-de East Khasi Hills-o aro sak 2-de West Garo Hills a·jao ong·a.
Ia apsan mande saksa COVID-19-oni nampilskana man·aha aro uandaken ia COVID-oni nampilgiparangba gimik sak 92,166 gapskaengaha. Ia salo COVID-oni nampilgipa mande saksara West Khasi Hills a·jao ong·a.
Da·o dipet Meghalaya a·doko COVID-19 man·e sianggiparang gimik sak 1593 gapskaengahachim.
