M’laya a·dokni sak 35,000 chatro chatrirang PC Tablet-ko man·gen: CM

 

SHILLONG: Higher Secondary class-rango poraienggipa chatro chatrirangna sorkari, digital learning aid-rangko on·e uamangni skie ra·anirangko namdapatna miksongengani gimin Meghalaya a·dok gimiko chatro chatrirangoni sak 35,000-mang, M-Tabs (PC Tablet)-rangko man·gen ine Budbar salo, a·dokni Chief Minister Conrad K Sangma parakataha.

Shillong songjinmani U Soso Tham Auditorium-o dingtang dingtang skulni chatro chatrirangna aganprakangengon, gital chasongni kolrangchi skie ra·ani gamchatani bidingo sorkari ma·siengani gimin iandakgipa kolrangko chatro chatrirangna on·na jotton ka·enga ine Chief Minister parakataha.

“Uni gimin chatro chatrirang technology-rangko jakkalna nanga maina smart classroom-o asongmangmangaianichide chatro chatrirang seng·gipa ong·na man·jawa,” ine Sangma aganaha.

Chatro chatrirangna suale on·enggipa M-Tab-rangko skie ra·anio jakkalchina gitaba ua chatro chatrirangko didiangaha.

“Ia kolrangko na·simang an·tangtangni skie ra·aniko nambatatna jakkalgenchimosa seng·gipa aro u·i-ma·sianio tang·dogipa ong·na man·gen,” ine Sangma aganaha.

Meghalaya a·doko internet-ko nambate on·na man·na gita bakan a·dok sorkari, Statewide Area Network-ko a·bachengatgnok aro ia Network-ko a·bachengatahaode a·doko donggipa skul, college aro university-rang nambate internet-rangko jakkalna man·gnok ineba Chief Minister parakataha.

Ia program-ko ong·atanio a·dokni Chief Minister baksana IT & Communication Minister Hamletson Dohling, East Khasi Hills a·jani ning·o donggipa dingtang dingtang skulni chatro chatrirangna, M-Tab-rangko suale on·angaha.

 

Get real time updates directly on your device, subscribe now.

Comments are closed.