Tuesday, May 7, 2024
spot_img

B’desh-ona ra·angenggipa churangko BSF rim·a

Date:

Share post:

spot_img
spot_img

 

TURA: Re·anggipa Sonibar salo, Bangladesh a·songona niam gri ra·angenggipa te 1200 churangko, Border Security Force (BSF)-ni sipairang, West Garo Hills aro South Garo Hills a·jani simao rim·rikna gita man·aha.

BSF official-rangni u·iatani gitade, India a·songo tarigipa churangko Bangladesh a·songona ra·angenga ine koborko man·soenba, West Garo Hills aro South Garo Hills a·jani sima gita re·ruraenggipa manderangko BSF dolni sipairang nirikkina a·bachengataha aro uandaken ia jol gita Bangladesh a·songona niam gri ra·angenggipa te 1200 churangko rim·rikna man·aha.

“India a·songni simarango ong·gija dakgipa manderangni re·ruraanirangko aro ma·manti bosturangko niam gri badingsrukaniko champengna gita chinga chingni sipairangko nirokatenga aro iandakgipa kamrangko champengna jotton ka·enga. Batanggimin somoirangoba chinga iandake a·songni bosturangko gipin a·songrangona niam gri palsrukatanirangko bang·en rim·na man·aha aro ia changoba Bangladesh a·songona ra·angenggipa churangko rim·na man·aha,” ine BSF Meghalaya Frontier-ni official saksa parakataha.

Kobor on·timgiparangni u·iatani gitade, Bangladesh a·songo churangko dam rake palani gimin, niam gri bading chiwale cha·enggipa manderang, India a·songo tarigipa churangko Bangladesh a·songona ra·ange dam rakbate palna man·skaengachim.

spot_img
spot_img

Related articles

Governor’s immunity from prosecution

Editor, The editorial “Raj Bhavan scandals” (ST May 6, 2024) made interesting reading. If the allegation is true why...

Congress’s default position

It is no surprise that a Congress Party acolyte speaking on condition of anonymity would decry the present...

Far from Chaar Sau Paar

By H. Srikanth Prior to the first phase of the polls, most people, including those who were critical of...

Sharp pro-poor agenda of Congress signals big change

By Jagdish Rattanani As the long-winded election campaign plods on, a lot has already changed on the Indian political...