SHILLONG: Sombar saloni Mongolbar salona konta 24-ni gisepo Meghalaya a·dok gimiko mande sak 3 COVID-19 man·daptaiaha indiba ia konta 24-ni gisepo a·doko COVID man·e sigiparang dongtaijaha.
Konta 24-ni gisepo COVID-19 man·dapgipa mande sak 3-ko channe da·o Meghalaya a·dok gimiko COVID-19 man·e dongenggiparang sak 5 dongkuengpiti.
Konta 24-ni gisepo COVID man·gipa mande sakgittaman Ri Bhoi a·jao ong·a.
Ia konta 24-ni gisepo mande sakgni COVID-19-oni nampilskana man·aha aro ia mande sakgnioni saksade East Jaintia Hills-o aro saksade West Khasi Hills a·jao ong·a.
Da·o dipet Meghalaya a·doko COVID-19 man·e sianggiparang gimik sak 1593 gapskaengahachim.
