NGH-ni Kharkutta Block-o Block Health Mela-ko ong·ata

 

RESUBELPARA: Meghalaya a·doko Ayushman Bharat – Health & Wellness Centre-rangni bilsibri gapaniko maniani bak gita Mongolbar salo, North Garo Hills a·jani Kharkutta C&RD Block-ni ning·o donggipa Wageasi Deficit School-o Block Health Mela-ko ong·atangaha.

Ia Health Mela-ko India a·songni jakgitelaniko man·aoni bilsi 75 gapaniko maniani bak gitaba ong·atangaha.

Ia Block Health Mela-ko ong·atanio Kharkutta-ni MLA aro MNREDA-ni Chairman Rupert Momin, mongsonggipa sokgipa ong·e jinmana aganprakangengon, mandena an·seng baljokaniko nangchongmotani gimin talataniko on·angenba, manderangni namgnina Health department-ni ning·o ra·gate on·enggipa dingtang dingtang scheme-rangni bidingo talate on·angaha.

Ia health mela-ko ong·atanio Momin-ni jakchi dingtangmancha, National Deworming Day program-koba a·bachengate on·angjolaha.

Ia Block Health Mela-ko North Garo Hills a·jani District Medical & Health Office-ni gita ong·atangaha aro ia program-o ICDS, DLSA, Labour aro Education department-rangba nangrime bakko ra·angtokaha.

Health department-ni gita on·enggipa dingtang dingtang scheme aro sanna banani cholrangni bidingo songni nokni manderangna u·iatna gita block health mela-ko April 18 tarikoni 22 tarikona dingtang dingtang block-rango ong·atengachim ine nikna man·a.

Get real time updates directly on your device, subscribe now.

Comments are closed.