SHILLONG: Re·baeng-gipa bilsini Assembly election-rango NPP-oni sawarang chakatna amenga ua AITC party-ni sakbri MLA-rangni bimingrangko parakchina AITC state president, Charles Pyngrope, NPP-ni a·gipi dilgipa aro Cabinet Minister, Sniawbhalang Dhar-ko aganaha.
“Indita sak susana amenga inesa maina chingna agana ua MLA-rangni bimingrangkoba chingna aganbo jedakode sawarang party-ko watna miksongenga uko chinga ma·sina man·gen,” Pyngrope aganaha.
Uni aganani gita, MLA-rang party tikitna re·baaha ine party pangnan dal·a dal·a a·kanganirangko a·kanggen.
AITC-ni sak 12 MLA-rang gimikan namenga ua ka·dongen agana man·a ine ua maikai aganaha.
Adita sak MLA-rang AITC-o uamangni napanio sikkimenga ine koboro parakanirangkoba Pyngrope jeataha.
“Ian pilak agananirang kakket ong·ja. Angni ma·siani gita AITC-o nape sakantian kusi ong·enga,” AITC state president aganaha.
A·bachengao AITC-oni sakbriko man·chep sak 11 da·o ong·enggipa MLA-rang re·baenggipa bilsini election-rang ong·na skang NPP-o napna amenga ine Dhar, koboro a·kange aganaha.
Sak 12 Congress-ni gitcham MLA-rang re·baenggipa bilsio AITC tikito susagen inako a·gipi NPP dilgipa jajrengchakaniko janapaha.
“Election chel·engaonin hai an·ching nina,” Dhar aganaha.
Get real time updates directly on your device, subscribe now.
Comments are closed.