SHILLONG: Meghalayani gitcham Chief Minister aro gitcham Speaker J. D. Rymbai-ko, mijalo a·dok sorkarini gita Mawlai Madan Heh, Shillong-o mandera·e gopaha.
Sianggipa gitcham JD Rymbai, ru·uta bilsirangna Jirang Legislative Assembly Constituency-o MLA ong·engba politicalni a·bao donge bang·a post aro portfolio-rango dangdike on·angaha aroba Meghalayani Chief Minister aro Assembly Speaker-ba ong·angaha.
Uko gopna skang dingtangmancha bi·aniko dakanio, Meghalaya Deputy Chief Minister Prestone Tynsong, Meghalaya Legislative Assembly Speaker, Metbah Lyngdoh, MLA Jirang Constituency, Sosthenes Sohtun aro nokdangni gita Norbert Pathaw mang aganangaha.
Meghalaya Chief Minister Conrad K. Sangma-ni kalimaniko seatgipa chittiko Deputy Commissioner, East Khasi Hills District, Isawanda Laloo jinmana poraie on·aha.
A·dokni gita rymbaiko mandera·e gopanio, Cabinet Minister-rang- James P.K. Sangma, Lahkmen Rymbui, Hamletson Dohling, Renikton Lyngdoh Tongkhar, Opposition Dilgipa Dr. Mukul Sangma, MLA-rang, MDC-rang, Additional Chief Secretary, D. P. Wahlang, Sorkarini a·gipi official-rang, Rymbai-ni nokdangni manderang, ripengskarang aro nama skaniko on·giparang bakrimangaha.
Sianggipa Pa JD. Rymbai-ko Mawlai Phudmuri Presbyterian Church-ni gopram, Mawroh, Shillong-o mandera·e gopaha.
