CUET, choligiparangna namnaba gnang, cholgrirangna batesa neng·nikako ra·bagen: Salenga

SHILLONG: Garo Hills-oni dilgipa aro NCP state president Saleng Sangma, Common University Entrance Test (CUET)-ko Meghalaya a·dokna krajawa aro manderangna batesan neng·nikaniko ra·bagen ine aganaha.
Shillong Times-ni kobor ra·timgiparang baksa agangrikmitingo Saleng Sangma indine aganaha, “Meghalayao CUET-ko ra·gataniara namen neng·nikani ong·gen mongsongbate Garo Hills-oni manderangna neng·nikani sokgen, maina Garo Hills-o namgipa re·a-doani, connectivity dongja, minggipin ia CUET-ni gimin da·onaba bang·arang tale u·itokkujaenga.”
“Cholgri nokdangna adita neng·nikarang donga, bang·a kangal cholgri nokdangrang examination fee ba porikkani tangkako gamna man·ja, uamang maidake CUET-na tangkako gamgen, uni gimin ian batesa neng·nikako ra·bagen ine Sangma aganaha.
“Beben ian man·e cha·gipa ba choligipa  nokdangrangna namgipa ong·naba gnang indiba cholgri nokdangna jemangan SSLC aro HSSLC-ni fee-ko gamna neng·nika, uamangna bilongen neng·nikaniko ra·bagen, bang·a changon uamang noktango jilgipa wak-matchurangko palesa porikkani fee-ko gamtoka.”
Indake ong·engon beben Shillong aro Tura-rangonade CUET-ni centre sokbagen indiba songadamrango mai ong·skagen ine Sangma sing·ataha.
Re·anggipa antio North Eastern Hills University (NEHU)-ni principal aro institution-ni dilgiparang tom·e chanchirimao Common University Entrance Test (CUET), 2022-ko namnike ra·chakangaha.