SHILLONG: Congress-oni ong·katenba AITC-o napanggipa mitam legislator-rang party-tangona re·bapilna am·tokenga ine Congress-ni a·kange agananiko gitcham Meghalaya Chief Minister aro All India Trinamool Congress (AITC) dilgipa, Dr. Mukul Manda Sangma Mongolbaro jegale aganaha.
Indake ong·engon, bang·a Congress dilgiparangan Assam-oba AITC-ona re·bana am·tokenga ine Pa Sangma aganskaaha.
Lok Sabha member Mahua Moitra, Rajya Sabha member Sushmita Dev-ko man·chape a·gipi AITC dilgiparang, da·al Assamo ong·atenggipa programona re·bagen ine ka·dongenga, jeon Congress-ni gitcham dilgipa Ripun Bora aro gipinrangko official gita da·al Guwahatio AITC-ona rimnapaniko dakanggen.
Ka·sne ka·snede INC-ni pilak gadango dilgiparangan, Meghalaya aro NE a·doknirangba gitcham gitcham party-ko AITC-o napangtokgen ine Pa Sangma tweet ka·aha.
Congress party bilsa bilgriroroangengaha, aro manderangna ka·donganide uan AITC-san ong·baengjok ineba Pa Sangma aganaha.
Congress party-ko wate AITC-o napanggipa mitam legislator-rang party-tangona re·bana am·tokenga ine Meghalaya Pradesh Congress Committee Chief Vincent H. Pala mnisalo a·kange aganahachim.
A·doko State Congress chief-na Pala-ko AICC-ni seokataniko namnikjae, gitcham chief minister Dr Mukul Sangmani dilanio, sak 17 Congress legislator-rangoni sak 12, party-ko wate katangtokahachim ine nikna man·a.
Sak 60-member Meghalaya Assembly-na re·bachenggipa February-March 2023-o ong·atanggen ine niksamsaoenga.
Watanggipa legislator-rang re·bapilna am·tokenga ine Cong-ni aganako TMC jegala
Date:
Share post:
