Saturday, May 31, 2025
spot_img

A·dokni chu·gimik budget-oni 20%-ko Education-na chamenga: CM

Date:

Share post:

spot_imgspot_img

TURA: Meghalaya sorkari, lekka porani kamrangna gisik on·bate kamko ka·engani gimin bilsiantian a·dokni chu·gimik budget-oni 20 percent-kode lekka porani kamrangnan chame on·enga ine Sukrobar salo, a·dokni Chief Minister Conrad K Sangma, Tura-o A·konggre Secondary School-ni gital nokko nokdonggae on·angani somoio jinmana parakataha.
A·konggre Secondary School-ni gital nokko Asian Development Bank (ADB)-ni Supporting Human Capital Development-ni ning·o gong kror 1.47 koros ong·e rikaha aro ia skul noko science lab, computer lab, digital classroom aro uandakgipa gital chasongni skie ra·chakani kolrangkoba donaha.
Ia gital skul nokko nokdonggae on·anio a·dokni Chief Minister Conrad Sangma, jinmana aganprakengon, a·doko lekka porani gadangko tang·doatna gita sorkari rake kamko ka·enga aro bilsiantian a·dokni chu·gimik gong kror 16000 budget-oni gong kror 2700-mangko lekka porani kamrangna chamenga ine parakataha.
A·dokni dingtang dingtang biaprango donggipa skul nokrangko sorkari taridapna aro ra·doatna kam ka·enga ine janapatengon, ia bilsio a·dok gimikni dam 2500 LP aro UP skulrangko taridape on·na aro dam 70 LP, UP, secondary aro higher secondary skulrangko ra·doatna gita gong kror 170 tangkarangko chamdape on·aha ine Sangma parakataha.
Skulo poraienggipa chatro chatrirangko bimchipe poraichina didianiko on·angengon, a·dok gimikon chatro chatrirang namgipa lekka poraniko man·china gita sorkari, dingtang dingtang cholrangko on·na jotton ka·enga ine Chief Minister parakataha.
Ia skul nokko nokdonggae on·angani somoio North Tura-ni MLA Thomas A Sangma aro gipin dilgiparangba dongpae bak ra·angaha.

spot_imgspot_img

Related articles

WGH-oba KVK-ni Viksit Krishi Sankalp Abhiyan-ko a·bachengata

TURA: India a·song gimikon Prime Minister Narendra Modi aro Union Agriculture Minister Shivraj Singh Chauhan-ni dilanichi a·bachengatgipa Viksit...

Chiringrango jabol galjachina WGH-ni DM mikrakata

TURA: West Garo Hills a·jani dingtang dingtang chiring chibisikrango jabol galaniko champengna gita West Garo Hills a·jani District...

Ampati MePDCL-o casual worker-rangko rakkichina AHAM dabia

AMPATI: Ia sal somoirangara wachini somoi ong·e Ampati jolrango bijolirang sirongengani gimin kamrangko ta·rake dakchake on·na man·na gita...

TMCH-ko PPP mode-o chalaianiara ANVC dolrangni songgigrikaniko pe·ani ong·gen: Bernard

TURA: Tura Medical College & Hospital (TMCH)-ko Public-Private Partnership (PPP) Mode-o chalaina gita a·dok sorkarini tender-ko on·enganiara 2014...