SHILLONG: Bristibar saloni Sukrobar salona Meghalaya a·dok gimikon COVID-19 man·dapgiparang dongjaha aro indiba ia konta 24-ni gisepo mande saksa COVID-19-oni nampilskana man·ahani gimin da·o a·dok gimiko COVID-19 man·giparang gimik sak 4 dongkuengpiti.
Meghalaya a·dok gimiko COVID man·e dongkuenggipa sak 4 manderangara, sak 3-de East Khasi Hills-o aro sak 1-de Ri Bhoi a·jao ong·a.
Ia konta 24-ni gisepo COVID man·e sianggiparangba dongjaha.
Da·o dipet Meghalaya a·dok gimiko COVID-19-oni nampilgiparang gimik sak 92200 ong·aha aro COVID man·e sianggiparangara gimik sak 1593 gapskaengaha.
