SHILLONG: Ribhoi Umtrew-o rikenggipa Meghalaya Zoo project-ko ia bilsini December jao matchotatna authority raken jotton ka·enga. Rika matchotahaode, Pan Nonglait Park-o dongipa matburingrangko gital zoo-na jitatskagnok.
Bilsi gni skang Central Zoo Authority, Ri Bhoi zoo-ko rikna gita ra·chakaniko on·ataha. Indiba project-ko da·onaba matchotna man·kujaenga.
Comptroller and Auditor General, project-ni kamko nipilangon, zoo-ko rikanio namen ja·manchakani gimin jajreganiko parakaha.
Forest and Environment department-ni kragija kam ka·ani a·sel project-o nangchakaha ine aganaha.
Adita salrang skangsan Chief Executive Officer of Meghalaya Zoo Project Implementation Society, zoo-ni rikna tender-ko on·aha. Zoo project-o ticket counter, visitro cloak, washrooms, souvenrir, gift shops ba dokan, ATM, wheelchair facility, kiosks, curator office, cafetaria ba uandakgiparang dongchapgen.
Indake Phan Nonglait Pakr-oni matburingrangko jitatani ja·man ua park-ko eco-park dakatskanaba gnanga.
