SHILLONG: Meghalaya a·doko skanggipa changna bolchi tarigimin garirangni salsusaaniko, re·anggipa Sonibar salo, East Khasi Hills a·jani Kharang songo donggipa Evergreen Route-o ong·atangaha.
Ia bol gari salsusaaniko Khasi Hills Challenge 1.0 ine bimingko done, Kharang Sports & Social Welfare Club-ni gita ong·atangaha aro ia salsusaanio gimik sak 19 manderang bakko ra·angaha.
Meghalaya a·doko iandakgipa bolni gariko Tribal-rang, chirangko salna aro nokni gipin nangchongmotgipa bosturangko salrurana jakkalrongachim.
Ia bol gari salsusaaniko ong·atanio bak ra·gipa manderang, an·tangtangnui garirangko nitobee taritilongenba bakko ra·angtokaha aro gari salsusaanio chegiparangna dingtangmancha tangkako boksis dake on·angaha.
Gari salsusaanio skanggipa ong·e chegipana gong 20,000/-, gnigipana gong 10,000 aro gittamgipana gong 5000/- tangkako boksis dake on·aha.
Bol gari salsusaaniko a·dokni Sports Minister aro jolni MLA Banteidor Lyngdoh, a·bachengate on·angaha.
