NEW DELHI: Sombar salo, Meghalaya a·dokni Chief Minister Conrad K Sangma-ni dilanichi dolsa minister-rang, Casino, Race Course aro uandakgipa dingtang dingtang joarangko kal·atani bidingo gipin membor-rang aro official-rang baksa Delhi songjinmani North Block-o tom·e chanchirimangaha.
Ia dolsa minister-rangko dilna gita a·dokni Chief Minister Conrad Sangma-ko ia dolni convenor songahachim.
Ia Group of Ministers (GoM) ba dolsa minister-rangko, casino, race course aro online gita joa kal·atanina GST-ni damrangko am·sandichina India sorkarini Finance Ministry songahachim.
Ia minister-rangni changgipin tom·aniko May jani gnigipa antio ong·atanggen ine kobor on·aha.
Ia GoM ba minister-rangni dolo bak ong·paenggipa gipin membor-rangara, Maharashtra-ni Deputy Chief Minister Ajit Pawar, West Bengal-ni Finance Minister Chandrima Bhattacharya, Gujarat-ni Finance Minister Kanubhai Patel, Goa Panchayati Raj-ni Transport Minister Mauvin Godinho, Tamil Nadu-ni Finance Minister Dr Palanivel Thiaga Rajan, Uttar Pradesh-ni Finance Minister Suresh Kumar Khanna aro Telangana-ni Finance Minister Thanneeru Harish Rao ong·engachim.
Re·anggipa bilsioba, Meghalaya a·dokni Chief Minister Conrad Sangma, COVID-ni bosturangna GST-ni damrangko tik ka·na gita songako man·gipa GoM-ko dilangahachim.
Conrad-ni dilanichi dolsa minister-rang, Casino-rangko chalaiani bidingo chanchirima
Date:
Share post:
