TURA: Batanggimin salrango Garo Hills-ni bang·bata biaprangon mikkarang jimbee waanganichi Tura-ni Reserve Gittim-oba a·arang be·angahani a·sel ia gittimni ramarang champengatako man·na nangahani gimin ia ramako ta·raken tarie on·china gita Reserve Gittim Development Committee (RGDC) Zone I, a·dok sorkariko didiataha.
Ia committee-ni u·iatani gitade, Tura jillaoba mikkang jimbee waanganichi NEC ramaoni Reserve Gittim Baptist Church Committee Hall-ona dakanggipa rama be·wakangaha aro da·o ia rama be·ahani a·sel gittimni manderang, re·a doanio neng·nikanirangko man·tokengahachim.
“Uni gimin gittimo songdongenggipa manderangni neng·nikanirangko ma·sichake ia ramako ta·raken tarie on·china chinga nangchakegipa official-rangko didiatenga,” ine RGDC Zone-I-ni dilgiparang parakataha.
