Tuesday, July 15, 2025
spot_img

NE Food Show-ko M’laya aro Sikkim-ni CM-rang a·bachengata

Date:

Share post:

spot_imgspot_img

SHILLONG: Meghalaya a·doko gnigipa changna Paris songjinmani SIAL baksa sokachakenggipa North East Food Show 2022-ko Bristibar salo, Meghalaya a·dokni Chief Minister Conrad K Sangma aro Sikkim a·dokni Chief Minister Prem Singh Tamang a·bachengate on·angaha aro ia Food Show-ko a·bachengatani somoio Meghalaya a·dokni Agriculture & Farmers Welfare Minister Banteidor Lyngdoh aro Sikkim a·dokni Tourism Minister Bidu Singh Panth-ba dongpae bak ra·angaha.
Ia North East Food Show-ko a·bachengatani somoio Meghalaya a·dokni Chief Minister Conrad K Sangma, jinmana aganprakangengon, ia North East Food Show-ko a·bachengatanichi bading chiwalgiparangna aro game ge·e cha·enggiparangna an·tangtangni bosturangko gipin a·songrangona watna gitaba dakchakani ong·aha ine parakangaha.
Ia North East Food Show-o salgro salaram a·dokrangonisan ong·aigija South East Asia-ni dingtang dingtang a·songrangba bakko ra·engachim ine nikna man·a.
“Ia North East Food Show-ko ong·atanichi dingtang dingtang dolrangko apsan biapona rimbae, game ge·e man·enggipa bosturangni gamchataniko tang·doatna man·enga,” ineba Sangma aganaha.
Ia NEFS program-ara cha·anirangko mesokgipa program-san ong·aija indiba bading chiwalgiparangko, game ge·e cha·giparangko, cooperative society-rangko aro Self Help Group-rangko tang·dona on·enggipa cholba ong·enga ineba a·dokni Chief Minister parakataha.
Chief Minister-ni parakatani gitade, International market-ni sandienggipa bosturangko Meghalaya a·dokmangmangchide on·na man·jawa ine nikesa ia program-ko North East Show dakatahachim.
Ia program-ko Meghalaya sorkari bilsiantian ong·atna miksongenga ineba ua aganaha.
Ia North East Food Show-ko 2019 bilsio skanggipa changna ong·atahachim aro uandaken da·o gnigipa changna ong·atengachim.
Cha·anirangko tarianio Vietnam a·songan nambatgipa dakmesokgipa ong·aha ine janapatengon, salgro salaram a·dokrangba Vietnam a·songoniko skie ra·e bading chiwalani kamrangko tang·doatna man·gen ine Chief Minister aganaha.
Ia program-o bakko ra·engani gimin ua dingtangmancha Vietnam-ni ambassador Pham Sanh Chau-koba mittelpilangaha.
Ia North East Food Show-ko a·bachengatani somoio Sikkim a·dokni Chief Minister Prem Singh Tamang-ba jinmana aganprakangengon, salgro salaram a·dokrango game ge·e cha·enggipa aro bading chiwalenggipa manderangko tang·doatna gita ia program-ko ong·atahani gimin Meghalaya a·dokni Chief Minister Conrad K Sangma-ko mittelpilangaha.
Ia program-ko ong·atanichi salgro salaram a·dokrango game ge·e man·enggipa bosturangko tang·doatna dakchakgen ineba Tamang aganaha.
Ia North East Food Show-o Sikkim a·dokba bakko ra·engachim.

spot_imgspot_img

Related articles

BSF apprehends smuggler along Indo-Bangla border; seizes silver ornaments worth Rs 16.49 lakh

Kolkata, July 14: The Border Security Force (BSF) has apprehended a smuggler and seized 16.71 kg silver ornaments...

Lok Sabha ushers in AI era; adopts multilingual access, digital attendance, real-time transcriptions

New Delhi, July 14: In a landmark move to modernise parliamentary operations, the Lok Sabha Secretariat has unveiled...

3rd Test: Resilient Jadeja brings up 4th successive fifty, drags match into final session

London, July 14: A resilient Ravindra Jadeja brought up his fourth successive half-century in Tests and dragged the...

Centre to issue new guidelines to promote first-time exporters: Piyush Goyal

New Delhi, July 14: The government would soon come out with more guidelines on how new markets, new...