SHILLONG: Khasi Students Union, mikkangchiba Citezenship Amendment Act (CAA)-ko jegalangkuaigen aro a·dokna ILP-ko dabiangkugen ine Sonibar salo aganataha.
“Chingni ja·ku de·aniko dontongjawa, aro ma·mong sorkarina chingni dabianiko chu·sokatchina gita sinjetangkugen, ine KSU-ni president Lamlokstar Marngar aganaha.
Adita salrang skang Union Home Minister Amit Shah-ni “A·songo pandemic sajinmani obostarang bon·ao CAA-ko ra·gatgen, ine agangipa kattana KSU-ni dilgipa aganchakataha.
“Pandemic dongoba dongjaoba chinga CAA-ko jegalanggen, CAB-ni somoion chingade, iako ra·chakna man·jawa ine talataha.”
“CAA-ko donani palo a·dok sorkarini pass ka·gipa resolution-ko ra·chakate Meghalaya-o ILP-ko ra·gatako chinga nangnika.”
Batanggimin adita bilsirangonin a·dok, baditan niamgri napdrabaaniko chagrongna gita nangenga, uni gimin niam gri a·dokona napbaaniko champengna niamko donako nangnika.
“Ma·mong sorkari chingni ku·rangko knachakgen ine ka·donga, indake ong·engon Meghalaya-osan ong·aija North East-ni gimik manderangan CAA-ko namnikjae jegaltokenga.
Uandake Parliamentary Standing Committee (PAC)-ni Meghalaya a·doko railway network-ko a·palatna janapani gimin talatengon, KSU-ni dilgipa indine aganaha, “Chingni nangnika a·dok sorkarina talate on·aha aro aro ma·mong sorkari ILP-ni gimin agangrikna am·ode chinga agangrikna tarie donga, indiba railway project-koba jegala ine parakataha.
