Tura: Garo Hills-oni JEE/NEET-2022 porikkana tarisogipa chadamberangna dakchakaniko on·daptna May 7 tarik Sonibar salo Tura-o JEE/NEET crash course couching-ko ong·atangaha.
Coaching-ko Meghalaya Science Society, Tura, ong·ataha, jekon West Garo Hills-ni Deputy Commissioner Ram Singh, oprakate on·aha.
Event-ko ong·atgipa organiser-ni parakatani gitade, coaching-na sak ritcha poraigiparang dorkastoko on·aha indiba biap komiani a·sel sak 56 students ba poraigiparangkosan merit list-o pangchake ra·aha.
Class-ko antion salgnisan Sonibar aro Robibar salo ra·aigen aro class-ko 2022 July jani gittamgipa antiona ra·anggen.
Meghalaya Science Society-ni Tura chapter-ni secretary Dr Madhusudhan Dutta, ia crash course-ni gimin chanchiaha, jekon WGH district administration-ni star project, chakpaaniko on·aha.
Salprako session 4 ong·atgipao dingtang dingtang a·barango jekai Physics, Chemistry, Maths aro Biology-o seng·giparang sak 15-20 resource person-rang Garo Hills-ni chadamberangna skie on·anggen.
Indake DC, Ram Singh, chadamberangko, course-o gisik nange bak ra·enba mikkangchi entrance test-o namgipa marks-rango pass ka·na jotton ka·china didiangaha.
