SHILLONG: Meghalaya a·doko donggipa dingtang dingtang chiring chibisikrangko ripinge rakkina gita a·dok sorkari, dingtangmancha Mission ba kamni bewalo program-ko ra·gatgen ine Sonibar salo, a·dokni Chief Minister Conrad K Sangma parakataha.
Sonibar salo, Shillong songjinmani Mawlai jolo donggipa Umsohlang-Umshing chiringko jolo songdongenggipa manderangni jinma apsan rongtalatani somoio iako Chief Minister parakataha.
Ia Umsohlang-Umshing chiringko ripinge rakkina gita apsan nangrime kamko ka·engani gimin ia dingtangmancha Mawlai jolo donggipa gittim dambongani manderangkoba mittelpilangaha.
Ia Umsohlang-Umshing chiringara, Mawlai jolo songdongenggipa manderangna dilsa pangchakani chiring gitaba ong·engachim.
Mawlai jolo songdongenggipa manderangni ia chiringko jinma rongtalatanio Chief Minister-ba bakko ra·angengon, iandake ia chiringko jinmana rongtalataniara ia chiringko ripinge rakkina gita mingsa ja·ku de·ani ong·enga ine parakataha.
