SHILLONG: Sonibar saloni Robibar salona konta 24-ni gisepo Meghalaya a·dok gimiko mande sak 2 COVID-19 man·daptaiaha indiba ia konta 24-ni gisepo a·doko COVID man·e sigiparang dongtaijaha.
Konta 24-ni gisepo COVID-19 man·dapgipa mande sak 2-ko channe da·o Meghalaya a·dok gimiko COVID-19 man·e dongenggiparang sak 9 gapaha.
Konta 24-ni gisepo COVID man·gipa mande sak 2-oni sak 1-de East Khasi Hills-o aro sak 1-de Ri Bhoi a·jao ong·a.
Ia salsani gisepo sak 3 manderang COVID-19-oni nampilskana man·aha aro ia mande sakgittamara East Khasi Hills a·jao ong·a.
Da·o dipet Meghalaya a·doko COVID-19 man·e sianggiparang gimik sak 1593 gapengaha aro COVID-19-oni nampilgiparangara gimik 92207 gapskaengaha.
