SHILLONG: Meghalaya a·dokko Citizenship Amendment Act (CAA)-oniko chu·gimik watsrangchina gita a·dok sorkari, ma·mong sorkari baksa agangrikengkua ine Budbar salo, a·dokni Deputy Chief Minister Prestone Tynsong parakataha.
Iani bidingo kobor ra·timgiparangna talataniko on·angengon, Meghalaya a·doko European ward-o ga·akgipa a·dokni 3 percent-ko CAA-ni ning·o man·engkuani gimin ia biaprangkoba CAA-oniko watchina gita a·dokni Chief Minister Conrad K Sangma, ma·mong sorkari baksa agangrikengkua ine Tynsong parakataha.
Synjuk Ki Rangbah Shnong aro Nokmarang gita dakgipa dolrangni dabianio pangchake a·dok sorkari, dingtangmancha iani bidingo ma·mong sorkarina memorandum-ko on·ataha ineba Tynsong parakataha.
Da·o dipet gipin a·songrangoni Meghalaya a·doko songdongkamna gita dorgasto galgipa manderang saksaba dongkuja ineba a·dokni Deputy Chief Minister parakataha.
Meghalaya a·dokko CAA-oniko watchina dabina gita 2020 bilsini March jaon Meghalaya Assembly, dingtangmancha resolution-ko ra·ahachim ine nikna man·a.
Indake ong·engon, a·doko Inner Line Permit (ILP) aro Khasi, Garo ku·sikrangko Eighth Schedule-o ra·gatchina dabienggipani bidingoba a·dok sorkari, ma·mong sorkari baksa agangrikengkua ine Deputy Chief Minister parakataha.