SHILLONG: A·rikgalako man·gipa Congress MLA, PT Sawkmie, re·baenggipa November-December-ni gisepo United Democratic Party (UDP)-o napgen ine parakaha.
“ Anga ru·utgijan ia bilsi November-December-ni gisepon UDP-o napgen,” Sawkmie aganaha.
Congress party-oni a·rikgalako man·ani ja·-mano, Sawkmie, re·baeng-gipa 2023 Assembly poll-o UDP ticket-o susana gita miksongenga.
“Iani bidingo chinga, manderangko ma·siatgen,’’ Sawkmie aganaha.
Indakeba nikatna man·a, MDA sorkarina chakpana ku·rachakani gimin da·oni sakbonga Congress MLA-Ampareen Lyngdoh, PT Sawkmie, Mohendro Rapsang, Mayralborn Syiem aro Kimfa Marbaniang mangko party-oniko a·rikgalahachim.
Indake a·rikgalako man·gipa MLA-rang, NPP aro UDP dakgipa political party-rango ja·napangtoknaba donga ine nikatna man·a.
