SHILLONG: Shillong songjinmani Inter State Bus Terminus (ISBT)-ko rikanirang namja ine social media-rango aro dingtang dingtang songbadrango matnanganirangko nikna man·engon, iani bidingo kakketko ma·sina man·na gita sandirokaniko dakatchina songsalo manderangni namgnina kamko ka·enggipa Angela Rangad, Meghalaya Lokayukta-na badi ka·doangaha.
Ia gong kror 48 ong·gipa ISBT-ko rikanio da·o bilsisamangsan ong·kuengoba, nokni dingtang dingtag biaprango be·srianirangko nikna man·engahani gimin Meghalaya Lokayukta Act 2004-ni ning·o sandirokaniko dakatchina gita Angela Rangad, Meghalaya Lokayukta-na seachi badi ka·doangaha.
Ia gong kror 48 ong·gipa project-ko Meghalaya State Public Works Department (PWD) jako ra·e rikahachim aro ia ISBT-ko 2021 bilsini July jaosan, Union Home Minister Amit Shah-ni jakchi nokdonggae on·angahachim.
Ia ISBT-ko 2021 bilsini July jaon nokdonggaahaoba antidokna skangmangmangsan chalaina a·bachengatahachim.
