Dr LR Bishnoi-ko M’laya-ni gital DGP songa

SHILLONG: 1991 batch-ni Assam-Meghalaya cadre IPS officer Dr Lajja Ram Bishnoi-ko Meghalaya sorkari, Meghalaya Police-ni gital Director General songaha.
Koborko on·ani gitade, da·o dipet Dr Bishnoi, Assam Police-o Special Director General (Training & Armed Police) ong·e kamko ka·engachim.
Meghalaya Police-ko dilna sorkarini nikanio uan krabatgipa officer ong·engani gimin Dr Bishnoi-ko a·dokni DGP songaniara maming aiao inmanani dongjahachim.
Seniority ba ja·delbataniko nisusagenchimode 1989 batch-ni Assam-o Special DGP ong·enggipa Mukesh Agarwal-sa Meghalaya a·dokni DGP ong·na gita nangachim indiba 2022 bilsini February 9 tariko UPSC-ni seoke on·atgipa sakgittam officer-rangoni jekoba a·dok sorkari, DGP songskana jakgitel ong·aiachim.
DGP-ni kamna UPSC-ni seoke on·atgipa sakgittam police officer-rangoni 1989 batch-ni IPS officer KV Singh Deo-ba saksa ong·paachim.

Get real time updates directly on your device, subscribe now.

Comments are closed.