AMPATI: Meghalaya a·doko Aadhar enrolment ba biming segatanirang komiengani gimin Meghalaya sorkarini General Administration Department-ni gita pilak a·jarangon dingtang dingtang department-rang baksa nangrime sal 300-na Aadhar Enrolment Campaign-ko ong·atna tik ka·ahani gimin South West Garo Hills a·jaoba ia Aadhar Enrolment Campaign-ko ong·atna gita Sombar salo, Ampati-ni DRDA Conference Hall-o tom·aniko ong·atangaha.
Ia tom·aniko a·bachengatani somoio South West Garo Hills a·jani Deputy Commissioner SK Marak, dingtang dingtang official-rang baksa chanchirimangengon, da·o dipet South West Garo Hills a·jao Aadhar-na biming segatani 73.77 percent ong·e a·doko gnigipa ong·engoba a·jani dingtang dingtang biaprango enrolment camp-rangko donatna nangenga ine parakatenba, iana dingtang dingtang department-rangko apsan nangrime kam ka·china aro banoba maiba dal·a tom·bimongani program-rang donggenchimode, uandakgipa program-rangoba Aadhar enrolment-rangko dakna man·na gita program-ko ong·atna skangan district nosal department-na u·iatchina dingtang dingtang department-rangko didiangaha.
Chatro chatrirangni scholarship-rangko ra·na gitaba da·o Aadhar-ko nangtelengengahani gimin skulrango Aadhar-na biming segatani bidingo chatro chatrirangna u·iatanirangko dakchina dingtangmancha Education department-ko ia tom·anio ge·etangjolaha.
Ia sal 300-na Aadhar campaign-ko ong·atanio Aadhar enrolment centre-rangosan bimingrangko segataigija, biming segatenggipa manderang, nokrangonaba re·ange bimingrangko segatanggen ine u·iataha.
Ia tom·anio Planning department-ni RO TR Sangma, ia sal 300-na Aadhar campaign-ko ong·atani bidingo official-rangna talate on·angengon, a·doko Aadhar-na biming segataniko chu·gimik 100 percent gapatna miksonganiosa sorkari, ia program-ko ong·atenga ine parakangaha.
Ia tom·aniko a·bachengatani somoio South West Garo Hills a·jani Deputy Commissioner SK Marak, dingtang dingtang official-rang baksa chanchirimangengon, da·o dipet South West Garo Hills a·jao Aadhar-na biming segatani 73.77 percent ong·e a·doko gnigipa ong·engoba a·jani dingtang dingtang biaprango enrolment camp-rangko donatna nangenga ine parakatenba, iana dingtang dingtang department-rangko apsan nangrime kam ka·china aro banoba maiba dal·a tom·bimongani program-rang donggenchimode, uandakgipa program-rangoba Aadhar enrolment-rangko dakna man·na gita program-ko ong·atna skangan district nosal department-na u·iatchina dingtang dingtang department-rangko didiangaha.
Chatro chatrirangni scholarship-rangko ra·na gitaba da·o Aadhar-ko nangtelengengahani gimin skulrango Aadhar-na biming segatani bidingo chatro chatrirangna u·iatanirangko dakchina dingtangmancha Education department-ko ia tom·anio ge·etangjolaha.
Ia sal 300-na Aadhar campaign-ko ong·atanio Aadhar enrolment centre-rangosan bimingrangko segataigija, biming segatenggipa manderang, nokrangonaba re·ange bimingrangko segatanggen ine u·iataha.
Ia tom·anio Planning department-ni RO TR Sangma, ia sal 300-na Aadhar campaign-ko ong·atani bidingo official-rangna talate on·angengon, a·doko Aadhar-na biming segataniko chu·gimik 100 percent gapatna miksonganiosa sorkari, ia program-ko ong·atenga ine parakangaha.