JOWAI: Re·anggipa Sombar walo, mikkarang jimbee waanganichi, East Jaintia Hills a·jao donggipa Sonapur songoni, Huroi, Hingaria aro Borghat jolrangona dakanggipa ramani dolong be·gruaha.
Kobor on·timgiparangni u·iatani gitade, ia dolongko chi pe·angani a·sel Huroi aro Hingaria songoni Sonapur aro gipin songrangona re·ruraaniko champengata gita ong·aha aro songni manderang, dingtang dingtang kamrangna re·ruraanirango neng·nikanirangko man·na a·bachengaha.
Songni manderang re·ruraanirango neng·nikanirangko man·tokengahani gimin ia dolongko ta·raken tarie on·china gita Khasi Students Union (KSU), Public Works Department (PWD)-ko didiangaha.
