TURA: Tura Municipal Board (TMB)-ni Rongkhon Songgital-o galenggipa jabolrang, songni gopramona jokangengani a·sel jolni manderang neng·nikanirangko man·tokengani gimin Mongolbar salo Rongkhon Songgital Youth Environment Committee (RSYEC), a·dokni Chief Minister Conrad K Sangma-ba badi ka·e sedoataha.
RSYEC-ni Chief Minister-ba badi ka·doangani gitade, Rongkhon Songgitalona jabolrang jokangengani gimin ta·raken jabolrangko rongtalatchina aro ia jolo songdongenggipa manderangna maming neng·nikanirangko ra·bajachina gita Meghalaya High Court, TMB-na ge·etaniko on·manahachim indiba gopramona jokanggipa jabolrangko TMB rongtalatchipkujaenga aro skatang jabolrangko galengkuachim.
“TMB-ni jabol galchakgipa biapo skatang jabolrangko galengkuani a·sel obostarang namjabatroroengahani gimin mikkangchi ia biapo jabol galaniko dontongchina aro jabol galchakna gita dingtang biapko sandichina chinga nang·ko mol·molenga,” ine RSYEC-ni vice president, Chief Minister-na seatgipa chittio parakataha.
Tura jillani jabolrangko galchakna gita dingtang biapko sandichina didiatengon, ia biapo jabolrangko galna gita biaprang chondugaa aro jabolrangko galna gita biaprang dongjaengaha ine RSYEC parakataha.
“Ia jolo songdongenggipa manderang, jabol galchakani dingtang biapko sandichina gita TMB-na chu·onga gita somoiko on·ahachim indiba manderangni dabianiko knachakteljaengani gimin ia kamko niatskachina chinga nang·ko mol·molenga,” ineba RSYEC-ni vice president, Chief Minister-na seatgipa chittio janapataha.
Solid Waste Management Rules 2016-ko TMB pe·enga ine janapatengon, Environment (Protection) Act aro Suppression of the Municipal Solid Waste (Management & Handling)-o pangchake TMB-ni kosako rakgipa ja·kurangko de·china gita RSYEC, a·dokni Chief Minister-ko didiataha.
RSYEC-ni Chief Minister-ba badi ka·doangani gitade, Rongkhon Songgitalona jabolrang jokangengani gimin ta·raken jabolrangko rongtalatchina aro ia jolo songdongenggipa manderangna maming neng·nikanirangko ra·bajachina gita Meghalaya High Court, TMB-na ge·etaniko on·manahachim indiba gopramona jokanggipa jabolrangko TMB rongtalatchipkujaenga aro skatang jabolrangko galengkuachim.
“TMB-ni jabol galchakgipa biapo skatang jabolrangko galengkuani a·sel obostarang namjabatroroengahani gimin mikkangchi ia biapo jabol galaniko dontongchina aro jabol galchakna gita dingtang biapko sandichina chinga nang·ko mol·molenga,” ine RSYEC-ni vice president, Chief Minister-na seatgipa chittio parakataha.
Tura jillani jabolrangko galchakna gita dingtang biapko sandichina didiatengon, ia biapo jabolrangko galna gita biaprang chondugaa aro jabolrangko galna gita biaprang dongjaengaha ine RSYEC parakataha.
“Ia jolo songdongenggipa manderang, jabol galchakani dingtang biapko sandichina gita TMB-na chu·onga gita somoiko on·ahachim indiba manderangni dabianiko knachakteljaengani gimin ia kamko niatskachina chinga nang·ko mol·molenga,” ineba RSYEC-ni vice president, Chief Minister-na seatgipa chittio janapataha.
Solid Waste Management Rules 2016-ko TMB pe·enga ine janapatengon, Environment (Protection) Act aro Suppression of the Municipal Solid Waste (Management & Handling)-o pangchake TMB-ni kosako rakgipa ja·kurangko de·china gita RSYEC, a·dokni Chief Minister-ko didiataha.
