TURA: Re·baenggipa 2023 bilsini Assembly election-na tarisamsoani bak gita Bristibar salo, All India Trinamool Congress (AITC)-ni zonal committee-ko Dadenggre constituency-o songe donangaha.
Ia zonal committee-ko AITC-ni West Garo Hills district convenor Richard Marak, district coordinator Sapford Sangma aro zonal coordination & monitoring committee in-charge Selma D Shira-ni dilanichi songe donangaha.
Ia zonal committee-ko songna tom·aniko ong·atanio Dadenggre constituency-oni susana gita AITC-ni tikitko man·na sienggipa Rupa Marak-ba dongpae bak ra·angaha.
Ja·mano AITC-ni dilgiparang, Selsella-oba songni manderang baksa jinma tom·aniko ong·atangaha.
