TURA: COVID-19 sajinmani a·selan ia bilsini HSSLC porikkana tarisamsoanio neng·nikaniko man·batna nangaha ine ia bilsini HSSLC porikkao Top 10-o pass ka·anggipa Garo Hills-ni chatro chatrirang parakataha.
Ia bilsini HSSLC Science, Commerce aro Vocational porikkani result-rangko Bristibar salo parakatahachim aro Science porikkao Tura Don Bosco College (Higher Secondary Section)-ni Chetna Bose, Top 10-ni gittamgipa biapko aro Phulbari JN Hr Sec School-ni Rakibul Hazarika, chikkinggipa biapko man·e chu·sokgipa ong·ahachim. Commerce porikkaoba Tura Don Bosco College (Higher Secondary Section)-ni Keshav Agarwala, Top 10-ni gnigipa biapko man·e chu·sokgipa ong·skaahachim.
Science result-ni Top 10-o gittamgipa biapko man·rikgipa Chetna Bose-ni parakatani gitade, batanggimin bilsirango COVID-19 sajinmani a·sel class-rangko chu·onga gita man·jae ua porikkana tarisamsoanio bang·a neng·nikanirangko chagrongna nangaha indiba uni ma·a paa aro skigiparangni dakchakanichi ua ia porikkao name chu·sokgipa ong·na man·aha.
Porikkao an·tangni chu·sokgipa ong·ani gimin janapatengon, ua maming kamrangkon bon·kamgipa somoiona donrongja maina bon·kamgipa somoiona kamrangko bangki dongenchimode neng·nikanirangkosa chagrongna nanga ine Chetna parakataha.
Ia porikkao chu·sokgipa ong·ahani gimin ua an·tangni ma·a paa, college-ni principal, college-ni skigiparang aro tuition-o skie on·giparangko mittelpilangaha.
Mikkangchi ua maiko poraidapangkuna miksongenga ine sing·on, ua B.Sc Biotechnology-ko dakani ja·man Research-ko dakna miksongenga ine Chetna parakataha.
An·tangni lekka pora baksana ua ki·taprangko poraina namnika, jawilwatrangko nina namnika aro gitrangko knana namnikgipaba ong·a ineba Chetna aganaha.
An·tangni chatro chatriskarangna ua maiko ku·pattina sikgen ine sing·on, poraina nanganirangko maming saloba bon·kamgipa somoiona donna nangja aro salantian matchote donna man·o nambata ine Chetna aganaha.
Apsan daken, Commerce porikkao Top 10-ni gnigipa biapko man·e pass ka·gipa Keshav Agarwala-ba porikkana tarisamsoanio COVID-ni a·sel online gitasa class-rangko ra·na nange neng·nikanirangko chagrongna nangaha ine parakataha.
“Ia bilsignini gisepo chinga class-rango asonge skie on·anirangko ra·na man·jaha aro online gitasa class-rangko ra·na nangaha. Indiba iachi anga an·tangan an·tangna tarisamsona gita somoirangko man·skaaha aro obostani kri anga ia porikkana tarisamsoaha,” ine Keshav parakataha.
Maming kamon altuaede chu·sokna man·jawa aro apsan daken chatro chatrirangba salanti poraianichisa chu·sokgipa ong·na man·a ineba Keshav aganaha.
Keshav-ni aganani gitade, ua salantian konta sa ba konta gnina poraironga indiba porikkana skangde ua an·tangni poraina dongipa somoiko konta 2-oni konta 3-mangona bariatskaaha.
Bilsi 18 ong·gipa Keshav Agarwala, poraia matchotenba, an·tangni mamatang Raju Modi (Tura-o skanggipa CA) gitan, Chartered Accountant ong·na miksongenga ine parakataha.
Ia porikkao an·tangni chu·sokgipa ong·anina ua an·tangni ma·a paa aro skigiparangko mittelpilataha.
Lekka porana agreba ua gitrangko aro mongsongbate Hindi gitrangko knana aro ring·na namnikgipa ong·a ine Keshav parakataha.
Ia bilsini HSSLC Science, Commerce aro Vocational porikkani result-rangko Bristibar salo parakatahachim aro Science porikkao Tura Don Bosco College (Higher Secondary Section)-ni Chetna Bose, Top 10-ni gittamgipa biapko aro Phulbari JN Hr Sec School-ni Rakibul Hazarika, chikkinggipa biapko man·e chu·sokgipa ong·ahachim. Commerce porikkaoba Tura Don Bosco College (Higher Secondary Section)-ni Keshav Agarwala, Top 10-ni gnigipa biapko man·e chu·sokgipa ong·skaahachim.
Science result-ni Top 10-o gittamgipa biapko man·rikgipa Chetna Bose-ni parakatani gitade, batanggimin bilsirango COVID-19 sajinmani a·sel class-rangko chu·onga gita man·jae ua porikkana tarisamsoanio bang·a neng·nikanirangko chagrongna nangaha indiba uni ma·a paa aro skigiparangni dakchakanichi ua ia porikkao name chu·sokgipa ong·na man·aha.
Porikkao an·tangni chu·sokgipa ong·ani gimin janapatengon, ua maming kamrangkon bon·kamgipa somoiona donrongja maina bon·kamgipa somoiona kamrangko bangki dongenchimode neng·nikanirangkosa chagrongna nanga ine Chetna parakataha.
Ia porikkao chu·sokgipa ong·ahani gimin ua an·tangni ma·a paa, college-ni principal, college-ni skigiparang aro tuition-o skie on·giparangko mittelpilangaha.
Mikkangchi ua maiko poraidapangkuna miksongenga ine sing·on, ua B.Sc Biotechnology-ko dakani ja·man Research-ko dakna miksongenga ine Chetna parakataha.
An·tangni lekka pora baksana ua ki·taprangko poraina namnika, jawilwatrangko nina namnika aro gitrangko knana namnikgipaba ong·a ineba Chetna aganaha.
An·tangni chatro chatriskarangna ua maiko ku·pattina sikgen ine sing·on, poraina nanganirangko maming saloba bon·kamgipa somoiona donna nangja aro salantian matchote donna man·o nambata ine Chetna aganaha.
Apsan daken, Commerce porikkao Top 10-ni gnigipa biapko man·e pass ka·gipa Keshav Agarwala-ba porikkana tarisamsoanio COVID-ni a·sel online gitasa class-rangko ra·na nange neng·nikanirangko chagrongna nangaha ine parakataha.
“Ia bilsignini gisepo chinga class-rango asonge skie on·anirangko ra·na man·jaha aro online gitasa class-rangko ra·na nangaha. Indiba iachi anga an·tangan an·tangna tarisamsona gita somoirangko man·skaaha aro obostani kri anga ia porikkana tarisamsoaha,” ine Keshav parakataha.
Maming kamon altuaede chu·sokna man·jawa aro apsan daken chatro chatrirangba salanti poraianichisa chu·sokgipa ong·na man·a ineba Keshav aganaha.
Keshav-ni aganani gitade, ua salantian konta sa ba konta gnina poraironga indiba porikkana skangde ua an·tangni poraina dongipa somoiko konta 2-oni konta 3-mangona bariatskaaha.
Bilsi 18 ong·gipa Keshav Agarwala, poraia matchotenba, an·tangni mamatang Raju Modi (Tura-o skanggipa CA) gitan, Chartered Accountant ong·na miksongenga ine parakataha.
Ia porikkao an·tangni chu·sokgipa ong·anina ua an·tangni ma·a paa aro skigiparangko mittelpilataha.
Lekka porana agreba ua gitrangko aro mongsongbate Hindi gitrangko knana aro ring·na namnikgipa ong·a ine Keshav parakataha.