M’laya gimikni skulrangon banggrianiona ‘Mock Exercise’-ko ong·ata

SHILLONG: Meghalaya a·dokni bilsi 50 gapaniko maniani bak gita dingtang dingtang a·jarango donggipa skulrango, re·anggipa antionin Civil Defence & Home Guards department-ni gita banggriani somoirango dakna nanggnirangko skie on·na ‘Mock Exercise’-ko ong·atangaha.
Sukrobar salo, Civil Defence & Home Guards department-ni gita ia apsan dakgipa ‘Mock Exercise’-ko South West Garo Hills a·jani Chengkom Me·dik Secondary School, South Garo Hills a·jani Siju Duramong Secondary School, East Garo Hills a·jani Williamnagar-o donggipa Simsanggre School, North Garo Hills a·jani Resubelpara Govt School aro West Garo Hills a·jani Bolchugre Secondary School-rangoba ong·atangaha aro ia mock exercise-ko ong·atanio Civil Defence-ni Deputy Controller aro District Home Guards Commandant-rang, skulo poraienggipa chatro chatrirangna, banggriani somoirango dakna nanggnirangko skie mesokangaha.
Re·anggipa antini May 20 tariko ia apsan dakgipa mock exercise-ko Ri Bhoi a·jani Sati Raja School, South West Khasi Hills a·jani Domjyrti-Rangmaw-o donggipa Lumjingshai Upper Primary School aro West Khasi Hills a·jani Nongstoin-o donggipa Sibsing Memorial Govt HS School-oba ong·atangaha.
Ia mock exercise-ko ong·atanio skulrango skigiparang, kam ka·giparang aro chatro chatrirang pilaknan, banggriani somoirango dakna nanggnirangko dake mesokangaha.

Get real time updates directly on your device, subscribe now.

Comments are closed.