TURA: South Garo Hills a·jani Mindikgre-B Fair Price Shop-o 2021 bilsini November ja intalan PDS mirong, chini aro Kerosene-rangko sualjaenga ine ia centre-o namgnirangko man·enggipa manderang, South Garo Hills a·jani Deputy Commissioner-na badi ka·doangaha.
Deputy Commissioner-na badi ka·doangani gitade, maini gimin PDS-ni bosturangko sualjaenga ine jolni manderang sing·on, Fair Price Shop-ko chalaienggipa mande, ia jolo ration card donge namgniko man·enggipa manderangna mamingkon talate on·na jechakahachim.
2021 bilsini November jaonin PDS-ni bosturangko man·jaengani gimin ia centre-ni ning·o donggipa manderang, South Garo Hills a·jani Superintendent of Supply-o sing·sandieon, iani bidingo DC-na badi ka·china aro 1967-na phone ka·e u·iatchina gita ua jolni manderangko aganataha ine kobor on·aha.
Superintendent of Supply-ni ge·etani gita dakani ja·manoba ia Fair Price Shop centre-ni ning·o donggipa manderang, da·onan PDS-ni bosturangko man·kujaenga ineba parakataha.
Indake ong·engon, iani bidingo ta·raken am·sandianirangko dakchina aro ia Fair Price Shop-ni dealer, dos donga ine nikgenchimode ia mandeni kosako rakgipa ja·kurangko de·china ia jolni manderang, South Garo Hills a·jani Deputy Commissioner-ko didiataha.
