TURA: West Garo Hills a·jao Chess kal·aniko namdapatna gita Robibar attamo, West Garo Hills a·jani Deputy Commissioner Swapnil Tembe, Chess kal·na gisiko nanggipa manderangko okamchimongenba, Tura-ni DC Park-o tom·e chanchirimangaha.
West Garo Hills DC-ni u·iatani gitade, ua an·tangan Chess kal·na gisiko nanggipa mande saksa ong·e, West Garo Hills a·jao Chess kal·aniko tang·doatna gita ia ja·kuko de·chakataha.
Ia tom·anio ua Chess kal·na gisiko nanggipa manderang baksa chanchirimangengon, Chess kal·na gisiko nanggipa manderang re·bae, an·tangtangni kal·anirangko namdapatna man·na gita mikkangchi iandakgipa tom·anirangko aro chess kal·susaanirangko ong·atjringchina Chess association-ko didiangaha.
“Ia chess kal·aniara da·o a·gilsak gimikon mingsing minggamroroengaha, uni gimin an·chingba chess kal·na gisiko nanggipa bi·sarangko nambatatna gita dakchakanirangko on·na nanga. An·ching West Garo Hills a·jaoniko grandmaster-rangko ong·katatna ja·kuko de·angna,” ine West Garo Hills a·jani Deputy Commissioner Swapnil Tembe didiatenba, ia tom·aniona re·bagipa pilakkon mittelpilangaha.
