TURA: Azadi Ka Amrit Mahotsav-ni bak gita World Bicycle Day-ko re·anggipa June-ni 3 tariko Baghmara-oba maniangaha aro ia program-ko ong·atanio South Garo Hills a·jani Deputy Commissioner FM Dopth, mongsonggipa sokgipa ong·e bakko ra·angaha.
Ia World Bicycle Day-ko Nehru Yuva Kendra (NYK) Sangathan, South Garo Hills a·jani District Administration baksa nangrime manidilangaha aro ia program-o dingtang dingtang songni dilgiparang, chadambe dolrang Baghmara-o songdongenggipa manderangba dongpae bak ra·angaha.
Cycle-ko salanichi mandeko an·seng baljoke rakkian baksana samtangtango ong·telaigiparangnaba namgniko ra·bana man·ani gimin cycle salaniko ranta ka·china gita ia World Bicycle Day-ko a·gilsak gimikon manirongenga ine nikna man·a.
