SHILLONG: Re·anggipa antioni antigimikna manianggipa World Environment Week-ko Mongolbar salo, Shillong songjinmani U Soso Tham Auditorium-o matchotataha.
Ia World Environment Week manianiko matchotatni somoio, a·dokni Chief Minister Conrad K Sangma, mongsonggipa sokgipa ong·e bakko ra·angaha aro unbaksana a·dokni Forest & Environment Minister James PK Sangma, dingtang dingtang officer-rang, chatro chatrirang aro dingtang dingtang village committee-rangba bakko ra·angaha.
Ia tom·anio a·dokni Chief Minister, jinmana aganprakengon, ia World Environment Week-ko maniani bidingo talate on·angenba, ian samtangtango ong·telaigiparangko ripinge rakkina didianisan ong·aigija a·doko songdongenggipa manderang an·tangtangba an·tangtangni dakna nanggnirangko ma·sie ra·na gita cholko on·aniba ong·aha ine parakataha.
“Sorkari, dingtang dingtang dolrang aro official-rang maiko dakenga uko an·ching nie ra·engon, an·ching an·tangtangba a·doko songdongenggiparang ong·e maiko dakpana man·gen, uko ma·sie ra·na nangenga. Ian ia antigimikna ong·atanggipa program-ni mongsonggipa bakba ong·gen,” ine Sangma aganaha.
Samtangtango ong·telaigiparangko tange rakkina gita sorkarini ka·enggipa kamrangni gimin janapatengon, nambata biteko man·na gita dingtang dingtang department-rang aro dingtang dingtang dolrangba apsan nangrime kamko ka·na nanggen ine Chief Minister aganaha.
A·doko samtangtango ong·telaigiparangko ripingna kam ka·anio gipin a·songrangni dakchake on·enggipa project-rangoniko gong kror 4700-mangko man·aha ineba ia tom·anio Chief Minister parakataha.
Samtangtango ong·telaigiparangko ripingna kam ka·anio songadam nokadam aro dingtang dingtang gittimrangni bak ra·pana nangengani giminba ia tom·anio Chief Minister aganangaha.
NRM-ni ning·o ra·gatgipa dingtang dingtang project-rangko nambate chalaina man·na gita gital kolrangko jakkalani giminba Sangma aganangaha.
Ia tom·anio a·dokni Forest Minister James Sangma-ba jinmana aganprakengon, samtangtango ong·telaigiparangko ripinge rakkina kam ka·anio technology-rangni dakchakanichi mai dakgipa kamrangko ka·na man·achim, uarangni gimin talataniko on·angaha.
Skulrango ‘Climate Change’-ni gimin skie on·na gita Forest department, Education department baksa nangrime curriculum-ko ra·gatna kam ka·enga ineba ia tom·anio Forest Minister parakangaha.
Ia program-ko ong·atanio a·dokni Chief Minister aro gipin dilgiparang, dingtangmancha Forest Management Plans-ko ra·gate on·angan baksana Environment Day-ni pangchakani git aro NRM mascot-koba oprake on·angjolaha
Ia program matchotani ja·mano a·dokni Chief Minister, exhibition-o kulie dongipa dingtang dingtang stall-rangko niangenba, chatro chatrirang baksaba agangrikangaha.
A·doko antigimikna manianggipa World Environment Week-ko matchotata
Date:
Share post:
