SHILLONG: Mikkarang jime waanganichi a·dokni dingtang dingtang biaprango donggipa dolongrangko chi pe·angani a·sel manderang re·a doanirango neng·nikanirangko man·tokna nangengani gimin ia dolongrangko taripile on·na gita a·dokni Chief Minister Conrad K Sangma, ku·rachakaniko on·angaha.
Batanggimin somoirango mikkarang dontonggija waangani a·sel a·dokni bang·a biaprangon chi bananirangko aro a·a be·anirangko nikna man·ahachim aro chirang dal·bae a·dokni dingtang dingtang biaprango donggipa bolni dolongrangkoba pe·angahachim. Dolongrangko pe·anganichi bang·bata songrangon manderang aro mongsongbate skulrangchi re·enggipa bi·sarang neng·nikanirangko chagrongna nangtokengahachim.
Adita salrangna skangmangmangsan, Dalu Police Station-ni ning·o, Gilmatdam aro Dombagre songrangko nangdimeatna Bandra chibimako kabatgipa dolongkoba chirang dal·bae pe·angahachim aro ia dolongara Gilmatdam aro Dombagre songrangni mongsonggipa dolong ong·achim.
Apsan somoion, Kherapara Outpost-ni ning·o donggipa Morop Bazar aro Makalgonchu songrangoba bolgni dolong ge·gniko chi pe·angaha aro ia dolong damgnian Bandra chibimako kabatgipa bolni dolongrang ong·achim.
Iandake rama jal·langrangko chi pe·anganichi manderang re·a doanirango neng·nikanirangko chagrongna nangtokengahani gimin manderangna rang·speaniko on·na gita sorkari ia dolongrangko tarie on·gen ine Chief Minister parakataha.
Manderangni neng·nikanirangko sorkari ma·sichakenga aro ia neng·nikanirangko namatna jotton ka·enga ine janapatengon, “Je biaprangon manderang chirangko bate re·na nangachim, uandakgipa biaprango maming neng·nikanirangko man·jana gita chinga re·a doani kolrangko tarie on·na miksongenga. Ia rama jal·langrangko chinga mission mode-o ra·gatna miksongenga, jeon suspension bridge, crossway aro uandakgipa cholrangko man·chapgen,” ine Sangma aganaha.
Ia kamrangko bilsisanode matchotjanaba gnang indiba da·o mikkang bilsi bongani gisepode kamrangko matchote on·na ka·dongenga ineba Chief Minister parakataha.
Ia bilsini gisepon dam 50 biaprangko seoke kamrangko a·bachengatgen ineba Chief Minister parakataha.
Batanggimin somoirango mikkarang dontonggija waangani a·sel a·dokni bang·a biaprangon chi bananirangko aro a·a be·anirangko nikna man·ahachim aro chirang dal·bae a·dokni dingtang dingtang biaprango donggipa bolni dolongrangkoba pe·angahachim. Dolongrangko pe·anganichi bang·bata songrangon manderang aro mongsongbate skulrangchi re·enggipa bi·sarang neng·nikanirangko chagrongna nangtokengahachim.
Adita salrangna skangmangmangsan, Dalu Police Station-ni ning·o, Gilmatdam aro Dombagre songrangko nangdimeatna Bandra chibimako kabatgipa dolongkoba chirang dal·bae pe·angahachim aro ia dolongara Gilmatdam aro Dombagre songrangni mongsonggipa dolong ong·achim.
Apsan somoion, Kherapara Outpost-ni ning·o donggipa Morop Bazar aro Makalgonchu songrangoba bolgni dolong ge·gniko chi pe·angaha aro ia dolong damgnian Bandra chibimako kabatgipa bolni dolongrang ong·achim.
Iandake rama jal·langrangko chi pe·anganichi manderang re·a doanirango neng·nikanirangko chagrongna nangtokengahani gimin manderangna rang·speaniko on·na gita sorkari ia dolongrangko tarie on·gen ine Chief Minister parakataha.
Manderangni neng·nikanirangko sorkari ma·sichakenga aro ia neng·nikanirangko namatna jotton ka·enga ine janapatengon, “Je biaprangon manderang chirangko bate re·na nangachim, uandakgipa biaprango maming neng·nikanirangko man·jana gita chinga re·a doani kolrangko tarie on·na miksongenga. Ia rama jal·langrangko chinga mission mode-o ra·gatna miksongenga, jeon suspension bridge, crossway aro uandakgipa cholrangko man·chapgen,” ine Sangma aganaha.
Ia kamrangko bilsisanode matchotjanaba gnang indiba da·o mikkang bilsi bongani gisepode kamrangko matchote on·na ka·dongenga ineba Chief Minister parakataha.
Ia bilsini gisepon dam 50 biaprangko seoke kamrangko a·bachengatgen ineba Chief Minister parakataha.