SHILLONG: Meghalayao mijal salni bako sak 31 manderang covid man·dapaha aro ian batanggimin adita jarangni gisepo bang·batgipa ong·taiaha.
Mijal salni bako East Khasi Hills district mangmangon sak 23 manderang covid man·dapaha, jeon Ri-bhoio sakbri, South West Khasi Hills-o sakgittam aro West Khasi Hills-o saksa gimik sak 31 manderang covid man·daptaiaha.
Meghalayao covid sabisiko man·giparang mijalona gimikchi sak 93,869 gapaha, uamangoni sak 92,234 manderang sabisioni nampilaha aro sak 1,593 manderang sabisini a·sel siangaha. Da·o dipet covid man·gipa sak 42 gapangtaiaha, uamangoni, East Khasi Hills-o sak 29, Ri-Bhoio saksku, South West Khasi Hillso sakgittam aro west Khasi Hills-o saksa.
