TURA: Chadamberangni ma·sie ra·na nanggipa dingtang dingtang kamrangni bidingo agan-talate on·na gita adita salrangna skang, Tura-ni Superintendent of Police (SP) office-ni gita Phulbari-ni chatro chatrirangna Tura-o program-ko ong·atangaha.
Ia program-ko Tura-ni SP office, North East Research & Social Work Networking baksa nangrime ong·atangaha aro ia program-ona Phulbari jolrango poraienggipa sak 25 chatro chatrirang re·bae bakko ra·angtokaha.
Chadamberangni ma·sie ra·na nanggipa dingtang dingtang kamrang, jekao Child Rights, POCSO Act, Juvenile Justice Act, Cyber Crime, Drugs Abuse aro uandakgipa dingtang dingtang katta bichongrango pangchake, chatro chatrirangna ia program-o agan-talate on·angaha.
