Thursday, March 28, 2024
spot_img

Mikka waanio nosto ong·gipa NH-6 ramako CM niea

Date:

Share post:

spot_img
spot_img

SHILLONG: Mikkarang dontonggija jime waangani a·sel East Jaintia Hills a·jani Lumshnong jolo NH-6 ramani mitam bakrangko a·arang be·dapahani gimin aro mitam biaprango ramarang be·wakangahani gimin Robibar salo, ia ramako a·dokni Chief Minister Conrad K Sangma re·ange nieaha.
Ia ramako nieani somoio a·dokni Chief Minister baksana Home Minister Lahkmen Rymbui, district administration-ni official-rang aro PWD baksana NHAI-ni official-rangba dongpaeaha.
Ia ramako nieani ja·man kobor ra·timgipa manderang baksa agangrikengon, mikkarang jime waanganichi be·wakanggipa ramarangko aro a·a be·dapgipa ramarangko ta·raken taripile on·na aro ramao jachange dongenggipa garirangko watna jotton ka·enga ine Chief Minister parakataha.
“Ia ramako taripile garirangko watna jotton ka·enga indiba mitam biaprangode mikkarang waengkuani a·sel kamrangko ka·anio neng·nikanirangko man·na nangenga,” ine Chief Minister aganaha.
Chief Minister-ni parakatani gitade, konta 24-ni gisepon ia ramani mitam bakrangkode taripilna man·gen ine ka·dongengani gimin ia rama gita chonchongipa garirangkode watna man·gnok.
Mikkarang komiangahaode konta 72-ni gisepon dal·dalgipa garirangkoba aro mongsongbate nangchongmotgipa bosturangko salruraenggipa garirangkoba watna man·gnok ineba Chief Minister parakataha.
Ia ramaona chirang jokbae ramarangko nosto ka·engani gimin chiko dingtang biap gita watskana jotton ka·enga ineba Chief Minister aganaha.
“District Administration aro dingtang dingtang department-rang somoi batpile kamrangko ka·tokenga aro uamang ia ramako watpilnasan ong·aigija ramao jachange dongna nangenggipa manderangna pilak nanga bosturangko sokate on·naba kamrangko ka·enga,” ine Sangma aganaha.
Ia ramao jachange dongna nangenggipa manderangna ma·manti bosturangko aro mongsongbate cha·ani ringanirangko sokate on·engani gimin ua dingtang dingtang dolrangkoba mittelpilataha.
“Anga bebera·a an·chingni nangrime ku·cholsan kamko ka·anichi bakan ia obostako skango gitan ong·atpilna man·chongmotgen,” ine Chief Minister aganaha.

spot_img
spot_img

Related articles

Delhi HC dismisses PIL seeking Arvind Kejriwal’s removal as CM

New Delhi, March 28:  The Delhi High Court on Thursday dismissed a public interest litigation (PIL) seeking Arvind...

‘Fehujali’ directed by Assam Police officer wins award in New Delhi fest

  Guwahati, March 28 :  ‘Fehujali’, a short film depicting true-life stories of disillusionment creeping into youths lured to...

MHA extends AFSPA in parts of Arunachal and Nagaland for 6 more months

New Delhi/Kohima/Itanagar, March 28:  The Ministry of Home Affairs (MHA) has extended the Armed Forces (Special Powers) Act...

Indian equities close the fiscal year on a positive note

New Delhi, March 28:  Indian equities closed the day and fiscal year on an optimistic note as buying...