Thursday, July 3, 2025
spot_img

Conrad, Mukul- uamang chibanao duko ga·akgiparangko nirokea

Date:

Share post:

spot_imgspot_img

Baghmara: Khasi Hills, Jaintia Hills a·jao mikka chibana a·selko nirokeani ja·man Chief Minister Conrad Sangma, Mongolbar salo West aro South Garo Hills-ona re·ange nirokeskaha.
Chief Minister, jean mijalo Dalu-ona wenangaha, Baghmarao waltuenba neng·nikanio ga·akgipa gipin district-rangona wenangskagen.
CM baksa, MDA sorkarini gipin MLA-rang aro district administration, PWD-ni official-rangba re·angpaha. Mikka chibana a·selo Dalu-ni dolongko chi man·angahanio neng·nikao ba duko ga·akgipa songni manderangko grongaha. Indake CM, chibana a·selo gimaaniko ta·raken donpilna aro kamrangko ka·pilna ka·dongataha.
Indake ong·engon Leader of Opposition Mukul Sangma-ba, mijal Nongalbibra jolona re·ange nirokeaha aro Mongolbar salo Baghmara-ona sokangaha. Aro duko ga·akgiparangko gronge agangrikaha.
Iarangni gisepon Indian Air Force, Mongolbar salo SGH district-ni dingtang dingtang jolrango duko ga·ake donggiparangna nangchongmotgipa bosturangko (essential commodities) suale on·angaha. Mikka jime waanichi ramarang nosto ong·e gari-gura sokna man·jani gimin sildorengoni galonaha.
South Garo Hills-o komibeoba sak 8 manderang siaha ba gimaenga. Sianggiparangoni sakgittamde June 17 tariko Baghmara-o a·a rurongdape nokdangni sakgittam sianggipa ong·a. Siju-o saksa me·chik janggitangko gimaatna nangaha. Nongalbibra sepangjolgipa Rongsa Awe-oba sakbri manderang a·a rurongdape siani koborko man·soaha. Sakgnini mangisiko sandigipa dolrang sandie man·aha aro saksa gimaenga.
Mukul Sangma-ko mni Sombar salo gronggiparang bang·an, administration ba sorkarini gita da·onan uamangko sandianggipa dongkujaenga aro maming dakchakaniko man·kujaenga ine agantokaha. Sorkarini gita maming dakchakaniko mahari-ma·drang aro giljani dakchakanichisa chinga janggi tangenga ine aganaha.
South Garo Hills district-ni Siju, Rongara, Maheshkola, Khalu aro sepangjolgipa biaprango obostarang bilongbataha. Siju, Rongara, Khalu aro Maheskola -ni dolongko chi man·pakenga jolni  manderang bilongen neng·nikako man·tokenga.
Iarangna agreba Maheshkola aro Khalu jolode chibana a·selonin bijoli aro phone network-rangba dongjani gimin neng·nikako man·batenga, jeni a·sel jolni manderang dakchakaniko sandinaba chol man·jaenga.
Uni gimin Rongara aro Siju-onade ring gitasa bosturangko sokatenga.

spot_imgspot_img

Related articles

South Korean Prez vows to improve relations with North Korea based on cooperation with US

Seoul, July 3: South Korea's President Lee Jae Myung said on Thursday that his administration will work to...

Pilgrims begin spiritual journey towards cave shrine as Amarnath Yatra begins

Srinagar, July 3: Amid devotional religious slogans and enthusiasm, hundreds of pilgrims on Thursday started the spiritual journey...

Rahul Gandhi questions Maha govt over farmer suicides, BJP counters with facts during Cong-NCP rule

New Delhi, July 3: Leader of Opposition (LoP) in the Lok Sabha Rahul Gandhi on Thursday criticised the...

Awami League denounces ‘unconstitutional’ prison sentence against Hasina

Dhaka, July 3: The Awami League has expressed its strongest protest and outrage against the "unlawful and unconstitutional"...