TURA: East Garo Hills a·jao bilsichet ong·gipa me·chik bi·sa saksako kragija dake kal·akani gimin unarmed branch constalble Ajaybirth Ch Marak-ko rim·e pattoko donataha ine kobor on·aha.
East Garo Hills a·jani Superintendent of Police (SP) Bruno A Sangma-ni u·iatani gitade, me·chik bi·sa saksako kragija dake kal·aka ine ia constable-ni kosako FIR ka·aniko man·soani ja·man police-rang, dos dakgipa police constable Ajaybirth Ch Marak-ko rim·e judicial custody-o donataha.
“Ia constable-ni kosako Williamnagar Women’s Police Station-o FIR ka·ako man·soani ja·man, ia constable-ko rim·e uni kosako Investigating Officer aro Williamnagar Women’s Police Station-ni officer-in-charge, charge sheet-ko file ka·aha,” ine East Garo Hills a·jani SP BA Sangma parakataha.
Indake ong·engon, dos dakgipa constable-ni kosako East Garo Hills a·jani District & Sessions Judge aro POCSO-ni Special Judge, re·anggipa May jani 31 tariko bichal ka·on, uni kosako chu·onga gita sakkirangko man·ahani gimin uko gong 10,000 dai gamchina aro bilsi 5 pattoko donchina raiko on·ataha ineba East Garo Hills a·jani SP parakataha.
Sangma-ni parakatani gitade, dos dakgipa constable-ko da·o Williamnagar District Jail-o donenga.