AMPATI: Budbar salo, South West Garo Hills a·jani Anangpara aro samba jolrango donggipa dingtang dingtang songni manderangna Senior Citizens Act 2007-ni ning·o butchuma budeparangna on·gipa dingtang dingtang bil aro niamrangni gimin agan-talate on·angaha.
Ia program-ko District Social Welfare Office (DSWO)-ni gita ong·atangaha aro ia program-ko ong·atanio Betasing-ni CDPO aro District Social Welfare Officer I/c Zanera R Marak, Medical & Health Officer Dr Matgrik K Sangma baksana District Legal Services Authority (DLSA)-ni Advocate Sameer Chakravorty, songni manderangna agan-talate on·angaha.
Ia program-ko ong·atanio Betasing-ni CDPO aro DSWO I/c Zanera R Marak, jinmana aganprakengon, ia jolrangode budepa butchumarangko uamangni dedrangrang wate katanirangko aro kragija dake jakkalanirangko nikna man·rongjagenchimoba a·songni dongimin niamo pangchake butchuma budeparangna on·gimin bilrangni gimin manderang ma·sie ra·na nanga ine talataniko on·angaha.
Ia program-ko ong·atanio budepa butchumarangna sanna banani aro simsak nirokanirangko on·ani bidingo Dr Matgrik K Sangma talataniko on·angskaengon, budepa butchumarangara niamo pangchake dingtangmancha sanna bananirangko ra·na bilrang dongaa aro sanna bananirangko ra·na gita ritingrangko dake sengna nangja ine talataniko on·angaha.
Ia tom·anio advocate Sameer Chakravorty-ba budepa butchumarangna on·gimin bilrangni gimin talate on·angengon, badiaba dedrangrang an·tangtangni ma·a paarangko ba budepa butchumrangko simsak nirokgija gale katgenchimode, uandakgipa manderangko niamo pangchake sasti on·na man·a ine parakangaha. Iandakgipa case-rangko DLSA aro DSWO-ni dakchakanichi manderang maming koros grian jako ra·na man·aigen ineba Chakravorty parakataha.
SWGH-ni manderangna Senior Citizens Act 2007-ni gimin talate on·a
Date:
Share post:
