KHARKUTTA: North Garo Hills a·jao, Baksalpara-oni Bagabata-ona tarianggipa PMGSY rama nosto ong·ani ja·man, ia ramako bilsi bongana nirokchina niamko donmanahaoba, ia ramako taripile on·kujaenganina Kharkutta C&RD Block-ni ning·o donggipa Baksalpara songni manderang, PWD-ni official-rangko aro ia ramako tarigipa contractor-ko sing·doataha.
Ia ramara Baksalpara-oni Bagabata-ona kilometre 3 ong·gipa PMGSY rama ong·a aro ia ramako North Garo Hills a·jao donggipa Damas-oni MERYL Construction company, gong kror 2-na batgipa korosrangchi tarie, 2022 bilsio matchotahachim.
Ia ramako bilsi bongana nirokna gita donanio gong lak 16-na bate tangka paisarangko chamskaahachim indiba ia ramako man·chengaoni changsaba ia ramako taridape on·a dongkuja ine jolo songdongenggipa manderang matnangataha.
“Ia ramako bilsi bongana kingkingde contractor an·tangan, niroke taridape on·na nanggen ine niamko donahachim indiba kamko ka·gipa contractor, ia niamko ja·rikjaenga. Ia rama da·o obosta namsrangjaengaha aro kamko ka·gipa contractor, ia ramako taridape on·na nangengachim indiba ua changsaba ia ramako taridape on·na dongkujaenga,” ine Baksalpara songni manderang parakataha.
Jolo songdongenggipa manderangni parakatani gitade, ia ramani obosta namjaengahani gimin ramako taridape on·china mol·molna gita uamang, PWD-ni Executive Engineer office-onaba re·angaha indiba da·alonan uamangni mol·molanirangko chu·sokate on·kujaenga.
PMGSY ramako taridapjani gimin jolo songdongenggipa manderang sing·doa
Date:
Share post:
