Sunday, July 6, 2025
spot_img

Duko ga·akenggiparangna dakchakaniko on·ahanina Nokma Association mittelpila

Date:

Share post:

spot_imgspot_img

TURA: Batanggimin somoirango mikkarang dontonggija waanganichi West Khasi Hills a·jani Khalu aro uandakgipa dingtang dingtang songrango chirang banne aro a·arang rurongdape bang·a nokdangrangan neng·nikanirangko chagrongna nangtokahaoba, iandake duko ga·akenggipa songni nokni manderangna dingtang dingtang cholrangchi dakchakanirangko on·ahani gimin dakchake on·gipa pilak dol aro manderangkon West Khasi Hills a·jao donggipa All Khasi Hills Nokma Welfare Association (AKHNWA) Rengdim unit mittelpilataha.

AKHNWA-ni general secretary aro Khalu Nokmani depante Zimichryst G Marak-ni u·iatani gitade, chirang bananichi aro a·arang ruronganichi West Khasi Hills a·jani bang·a biaprangon manderang, nok-jamrangko, bagan barirangko, jilla kaanirangko aro rama jal·langrangko gimaatna nange neng·nikanirangko chagrongna nangtokaha indiba dingtang dingtang dolrang, Khalu, Rengdim, Bokchung, Nengchigin aro Rongcheng songrangona re·ange, manderangna cha·ani ringani bosturang, ganding chindingrang aro gipin nangchongmotgipa bosturangko on·giletokahachim.

“Ia songrango donggipa manderangni duk mikchini somoio aro neng·nikanirangko chagrongna nangengmiting somoirango nangchongmotgipa bosturangko aro pilak nanga dakchakanirangko on·ahani gimin anga dingtangmancha, Nokma Welfare Association, Rongara Block-ni official-rang, Rongram Block-ni official-rang, Opposition dolni dilgipa Dr Mukul M Sangma, Baghmara DC office, Southern Wonderlous, A·chik Heritage Pursuits, Gasuapara jolni manderang, Tura adventure club, United Churches Assembly Youth (UCA, Tura), Mothers Union Tura, Mawshynrut Constituency-ni MLA Gigur Myrthong, Siju-Rongara-ni MLA Rakkam A Sangma, Rongram NRLM-ni Self Help Group, Delhi A·chik Society aro Garo Hills-ni SBI dolko mittelpilna ska. Uamangni chingna ka·sabee dakchakanina chingo uamangna mamingkoba on·pilskana dongjagenchimoba chinga uamangko chingni gisik ka·tong gimikchi mittelpilenga aro uamangko chingni bi·anirango gisik ra·na ku·rachakenga,” ine AKHNWA-ni general secretary parakataha.

Mikkarang jimbee waanganichi Khalu-o skul nok te·gni, community hall te·gni, Khalu-o gilja nok te·gni, Rengdim, Rengchi aro Khalu jolo donggipa jal·langrang aro bijoli krongrang nosto ka·ako man·angaha ine janapatengon, nosto ka·a man·gipa biaprangko taripilna gita dakchakanirangko on·china ua, jolni MLA-rangko aro a·dok sorkariko didiataha.

spot_imgspot_img

Related articles

On 10th Muharram, Kashmir makes two loud statements of ‘Kashmiriyat’

Srinagar, July 6: As Jammu and Kashmir Lt Governor Manoj Sinha joined Muslim mourners during the 10th Muharram...

CM Rekha Gupta slams AAP’s health model, terms ‘Mohalla Clinics’ a ‘photo propaganda’

New Delhi, July 6:Delhi Chief Minister Rekha Gupta on Sunday launched a scathing attack on the Aam Aadmi...

MP govt initiates probe in school repair work after irregularities surface on social media

Bhopal, July 6 : A swift and high-level investigation was initiated after a serious case of financial malpractice...

Inspired by PM Modi, UP restaurateur’s ‘Pradhanmantri Chaiwala’ grabs spotlight

New Delhi, July 6 : While several roadside eateries and dhabas along the Kanwar Yatra route are under...