SHILLONG: Meghalaya a·dokni SSA skulrango skigiparang, jabongani dormahako man·tokkujaengani gimin re·baenggipa July-ni 20 tariko All Garo Hills SSA School Teachers Association (AGHSSASTA)-ni ning·o jinma tom·bimongenba, jingjengatna tik ka·angaha.
AGHSSASTA-ni u·iatani gitade, SSA skigiparangna jabongani dormaharangko on·kujaengani gimin adita salrangna skang, association-ni dilgiparang, tom·e chanchirimangenba, jinma tom·bimonge sorkarini kosako jingjengatna gita tik ka·angaha.
“SSA skulrango skigiparangna re·anggipa February jaonin jabongani dormaharangko on·kujaengani a·sel skigiparang neng·nikanirangko chagrongna nangtokengahani gimin chinga re·baenggipa July 20 tariko jinma tom·bimongenba, sorkarini kosako jingjengatna tik ka·angaha,” ine AGHSSASTA-ni dilgiparang parakataha.
Ia jingjengatanio skigiparang, jabongani dormaharangko on·an baksana bangki dongenggipa jachetni arrear-rangko on·china, skigiparangni dormahako bariatchina aro kamko regularise ka·china gitaba dabianggen ine AGHSSASTA parakataha.
SSA skulrango skigiparang, jagni ba jagittamni dormaharangkode ra·chakjawa aro chu·gimik jabongani dormaharangkosa ra·chakaigen ineba association parakataha.